Emil & Ida i Lönneberga (meänkieli) (2013)

Det här är en film på meänkieli. Emil ja Ida oon kaks lasta, jokka kasuavva 1800-luvun Smålandissa, Lönneperissä, Katthultin talossa. Isoveli Emil oon siivo ja luova sielu, jonka tarkotukset ussein käsitethään väärin ja niistä tullee eesottoja. Nämät johtava siihen, ette se tuon tuostaki häätyy lukittea ittensä nikkarivärsthaan pelastuaksheen hänen kolerisen isänsä vihapuuskasta. Sielä se istuu ja vuolee puuäijiä joka eesotosta, ja oon filmin alussa tehny jopa 324 kappaletta! Pikkusisko Ida ihhailee velipoikaa, ja uneksii ette häänki justhiinsa niinku se sais istua nikkarivärstassa ja vuola, siksi ko Ida ei sitä oikein käsitä, ette se oon rangastusta. Ennen ko filmi oon loppunu se kuitenki saapi kokea eesoton tekoa ja vuolemista. Kertomukset kuuluva joihinki meän enniiten piethyin, ja Emil-hahmosta oon monen lapsen kulttuurimailmassa tullu ilmiö. Emil oli se hahmo, josta Astrid Lindgren itte tykkäsi enniiten, ja se oon kertonu, ette hänen om pappa, olleshaan pienenä poikana, oon esikuva. Filmissä oon monta eri kertomusta, ja niitä saattaa näyttää erilisinä, ko filmin muuten kokkee aikaki pitkäksi.