Emil & Ida i Lönneberga (romska) (2013)

Det här är en film på romani arli. O Emil hem i Ida tane duj tikne čhavore kola so hine barilje ko 1800to veko ki Småland, ki Lönneberga, ko jekh boro so vičini pe Katthult. O baro phral o Emil tano jekh but socialno hem kreativno čhavo, kaser o ideje o manuša na haljona šukar hem odola ideje ovena bare bede. O Emil palo odola bede našela ki bučakiri šupa, sebepi oljesoro dad tano but holjamo. Ov bešela ki šupa hem randela pese kaštune manušen. O filmi ked startirini, o Emil čerða 324 kotora kaštune manuša! I tikni phen i Ida tani impresionirimi pe phraljeja hem mangela hem oj jekh dive te bešel ki bučakiri šupa te randel kaštune manušen. Đi bitini o filmi, i Ida ka čerel disave bede hem ka bešel ki bučakiri šupa te randel kaštune manušen. Akija paramiz tani maškaro najmanglje hem i figura ki paramiz o Emil tano jekh fenomeni ki čhavorengiri fantazia. O Emil tano i figura kas i Astrid Lindgren but manglja hem vačerða so olakoro dad hine inspiracia ki akija paramiz. Ko filmi isi but paramiza hem o filmi šaj te mothovi pe ko kotora, sebepi te na dičhol sar but baro hem dosadno.